Իտալիայի հավաքականը շատ պասիվ սկսեց առաջնությունը Իսպանիայում՝ ոչ ոքի խաղալով առաջին 3 խաղում՝ ներառյալ մրցաշարի նորեկ Կամերունի հետ, և մի կերպ կարողացավ անցնել քառորդ եզրափակիչ: Հասնելով փլեյ օֆֆ փուլ՝ Իտալիայի հավաքականը անհավանական տրանսֆորմացիայի ենթարկվեց՝ հաղթելով ներկայիս չեմպիոն Արգենտինային, Բրազիլիային, ով ավելի ուժեղ էր, քան 1970 թվականին, կիսաեզրափակչում՝ Լեհաստանին, և շատ վտանգավոր Արևմտյան Գերմանիային՝ եզրափակչում: 1982 թվականի Իտալիայի հաղթանակը, որը գլխավորում էր Պաոլո Ռոսսին՝ դառնալով մրցաշարի լավագույն ռմբարկուն, ապացույցն էր այն բանի, որ ամեն ինչ հնարավոր է:

Անմրցակից Զինեդին Զիդանի գլխավորությամբ «Կապույտները» սեփական հողի վրա նվաճեցին իրենց առաջին Աշխարհի գավաթը: Ֆրանսիան հիասքանչ կերպով պարտության մատնեց Իտալիային և Խորվաթիային, իսկ հետո արդեն եզրափակչում նվաստացրեց ֆավորիտ բրազիլացիներին՝ 3:0 հաշվով: Ֆրանսիան աշխարհի չեմպիոն հռչակվեց, և այդ գիշեր ավելի քան մեկ միլիոն ֆրանսիացի ֆուտբոլասերներ ողջ գիշեր պարեցին Շանզ Էլիզեում։

Եվրո 2008-ում հաղթելուց հետո Իսպանիան որպես ֆավորիտ ներկայացավ աշխարհի առաջնությունում: Մեկնարկային խաղում Շվեյցարիայից կրած 1-0 պարտությունը որոշ կասկածներ առաջացրեց, և շատերը կարծում էին, որ իսպանացիները ևս մեկ անգամ կվերադառնան իրենց անհաջող անցյալին: Բայց «Լա Ռոխայի» ոգին արագորեն վերադարձավ, և Անդրեաս Ինիեստան լրացուցիչ ժամանակում հաղթանակ տարավ Յոհանեսբուրգի եզրափակիչում:

Հունգարիայի ամենաուժեղ կազմը, որը երբեք չի հաղթել աշխարհի առաջնությունը. Ֆերենց Պուշկասի, Շանդոր Կոչիսի, Նանդոր Հիդեգկուտիի և Յոզեֆ Բոզշիկի լեգենդար քառյակի գլխավորությամբ՝ «Կախարդական մագյարները» Շվեյցարիայում նախամրցաշարի ֆավորիտն էին: 1952 թվականի Հելսինկիի Օլիմպիական խաղերի ոսկե մեդալակիր Հունգարիան Աշխարհի գավաթից առաջ անպարտելի էր 28 խաղերում (24 հաղթանակով), բայց Բեռնում՝ արևմտյան գերմանացիների դեմ եզրափակչում, պարտություն տարավ․ դա նրանց միակ պարտությունն էր 1950-1956 թվականներին անցկացրած 50 միջազգային հանդիպումներում։

Հենց այս պատմական մրցաշարում Մարադոնան դարձավ ձեռքով հայտնի գոլի հեղինակ, որը հետագայում նա կոչեց «Աստծո ձեռք»: Տուգանային հրապարակում Մարադոնան օդային պայքարում հաղթեց իրենից գրեթե 20 սմ-ով բարձրահասակ Շիլթոնին և գրավեց դարպասը: Ավելի ուշ նա խոստովանեց, որ այդ պահին ասել էր իր թիմակիցներին արագ մոտենան և շնորհավորեն իրեն, թե չէ մրցավարը կչեղարկի գոլը: Այդ խաղում եղավ մեկ այլ պատմական դարպասի գրավում, որը անվանում են «դարի գոլ», և հաճախ կոչում՝ ամբողջ ժամանակների լավագույն գոլը: Ստանալով գնդակը սեփական կիսադաշտում՝ Մարադոնան 10 վայրկյանում անցավ 55 մետր, շրջանցելով Անգալիայի 5 ֆուտբոլիստի և գրավեց Շիլթոնի դարպասը:

Եվս մեկ ֆանտաստիկ թիմ, որին չհաջողվեց հաղթել աշխարհի առաջնությունը: Հանդիպելով անզուգական Յոհան Կրոյֆի և Յոհան Նեյսկենսի նմաններին, հոլանդացիները հիացնում էին երկրպագուներին և հակառակորդներին Total Football հարձակվողական տակտիկայով: