Ես Տիրուհին եմ՝ Արցախից, ավարտել եմ ԱրՊՀ զբոսաշրջության բաժինը: 2 տարի առաջ սկսել եմ զբաղվել մոմագործությամբ: Բռնի տեղահանությունից հետո հիմնական աշխատանք գտա, բայց մոմագործությունը որոշեցի շարունակել, քանի որ այն ոչ միայն լրացուցիչ եկամտի աղբյուր է, այլ նաև հոբբի, որը սիրով ու բավականությամբ եմ անում:
Սկզբնական շրջանում չէր հաջողվում շարունակել, քանի որ ունեի բազմաթիվ բացակայող պարագաներ, հումք: Ճիշտ ժամանակին օգնության եկավ Գլոբբինգ ընկերության արցախցիների աջակցության նախագիծը, որի նվիրառու դարձա և տրամադրված դրամաշնորհով կրկին մոմագործությունն իրականության վերածեցի: Իմ մոմերը ճանաչում են ունեցել Արցախում և Սփյուռքում, հուսով եմ, որ ճանաչում կունենան նաև Հայաստանում:

Հեռ․ +37493272368
Տեսնել աշխատանքները

Ես Արենն եմ։ Արցախում ուսուցիչ էի աշխատում, զուգահեռ զբաղվում էի այգեգործությամբ, կանաչապատմամբ, ծառերի ու ծաղիկների խնամքով: Ունեի բազմաթիվ հաճախորդներ, սիրով էի կատարում աշխատանքս, իսկ հաճախորդներս գոհ էին: 2023թ. սեպտեմբերից ապրում եմ Երևանում: Գործիքներս չէր հաջողվել տեղափոխել, որոշ ժամանակ մատնվել էի անգործության: Դարձա Գլոբբինգ ընկերության արցախցիների աջակցության նախագծի նվիրառու և ստացած դրամաշնորհով գնեցի անհրաժեշտ սարքավորումներ:

Այժմ կրկին զբաղվում եմ իմ սիրած աշխատանքով, ունեմ հիմնական աշխատանք, որը մի կողմից բարելավում է իմ հոգեբանական վիճակը, նպաստում իմ ընտանիքի ֆինանսական վիճակի կայունացմանը, մյուս կողմից գեղագիտական հաճույք է պատճառում հասարակությանը:

Հեռ․ +37497704570
+37443704570

Ես Իրինան եմ՝ Արցախից։ 2022թ. Արցախի շրջափակման հետ հասկացա, որ կյանքում ամեն ինչ կարող է փոխվել ցանկացած պահի։ Ստեղծված դժվարություններին զուգահեռ սկսեցին փակվել նաև աշխատատեղերը։ Ես մասնագիտությամբ լրագրող եմ և այդ օրերին իմ անելիքը մեծ էր, ասելիքը՝ շատ։ Չնայած դրան՝ սկսեցի մտածել մի բանի մասին, որը ստաբիլ կմնար՝ անկախ իմ շուրջը կատարվող իրադարձություններից, հանգամանքներից և սահմանափակումներից։ Սկսեցի ուսումնասիրել նոր մասնագիտություն․ իմ դեպքում դա գրաֆիկ դիզայնն էր։ Փորձեցի ուժերս ֆրիլանս հարթակներում, ու, կարծես թե, հաջողեցի։
Բռնագաղթից հետո հաստատվեցի Երևանում: Այստեղ շատ կարևոր էր ընդունելությունը, հոգատարությունը և դեպի մեզ մեկնված օգնության ձեռքերը։ Իմ պարագայում, այդ ձեռքերից մեկը Globbing-ինն էր։ Արցախցիների աջակցության նախագծի դրամաշնորհով գնված համակարգչով հնարավորություն ստացա եռամսյա դադարից հետո ավարտին հասցնել իմ կիսատ թողած նախագծերը։ Եվ, որքան էլ դժվար է, բայց նաև նորերը սկսել։Այսօր ես ինձ կարող եմ համարել լիարժեք և մրցունակ գրաֆիկ դիզայներ։

Ստեղծում եմ լոգոտիպեր, գովազդային պաստառներ, բուկլետներ, այցեքարտեր, սոցիալական մեդիայի բովանդակություն և ընկերության բրենդավորում։

Հեռ․ +37497331681
Տեսնել աշխատանքները

Ես Լիլին եմ, ծնվել և ապրել եմ Արցախում: Բաժակներ զարդանախշելու իմ հոբբին Արցախում, իսկ այժմ նաև Հայաստանում, ֆինանսական աղբյուր է իմ ընտանիքի համար։ Իմ զարդանախշած բաժակները կրկին պատրաստ են ջերմացնելու յուրաքանչյուրին՝ յուրովի թեմատիկայով, քանի որ ես դա անում եմ սիրով և ջերմությամբ։ Նկարում եմ նաև հագուստի, պայուսակների, խաղալիքների վրա: Շնորհակալ եմ Գլոբբինգ ընկերությանը դրամաշնորհի համար:

Հեռ․ +37477966594
Տեսնել աշխատանքները

Ես Արտակն եմ՝ Արցախից, 16 տարեկան եմ: Ապրում էինք Շուշի քաղաքում, 2020 թ. չարաբաստիկ պատերազմի հետևանքով կորցրինք Շուշին: Պատերազմից հետո տեղափոխվեցինք Ստեփանակերտ։ Սեպտեմբերի 19-ին Ադրբեջանի կողմից սանձազերծած պատերազմի և դրան հաջորդած իրադարձությունների հետևանքով կորցրեցի Արցախը և ստիպված էի տեղափոխվել Հայաստան: Այժմ բնակվում եմ Հրազդան քաղաքում:
Դեռ մանկուց սիրում եմ զբաղվել փայտագործությամբ, 13 տարեկանից սկսել եմ աշխատանքներս վաճառքի հանել հիմնականում սոցիալական ցանցերում։ Այստեղ ես ցանկանում էի նորից զբաղվել իմ աշխատանքով: Globbing ընկերության կողմից կազմակերպված արցախցիների աջակցության նախագծի նվիրառու ընտրվելն ինձ հնարավորություն տվեց փայտամշակման գործիքներ ձեռք բերել և զբաղվել իմ նախասիրությամբ։ Այժմ կրկին աշխատում եմ, կարողանում եմ աշխատանքներս վաճառքի հանել և ֆինանսապես օգնել ընտանիքիս:

Պատրաստում եմ փայտից ամեն ինչ. քանդակներ, փորագրություններ, անձեռոցիկի ամրակալներ, հեռախոսի ամրակալներ, խաղալիքներ, նկարի շրջանակներ, սուրճի և թեյի բաժակների ամրակալներ և բազմաթիվ այլ գեղեցիկ իրեր:
Իմ աշխատանքները կզարդարեն ձեր բնակարանը, ինչպես նաև հիանալի նվեր կլինեն ձեր սիրելի մարդկանց համար, քանի որ աշխատանքներս պատրաստում եմ մեծ սիրով։

Հեռ․ +37477550842
Տեսնել աշխատանքները

Ես Հասմիկն եմ՝ Հադրութից։ 44-օրյա պատերազմից հետո մեր բազմանդամ ընտանիքով հաստատվել ենք Երևանում: Արցախում աշխատում էի որպես ուսուցչուհի, բայց Երևանում որոշեցի ինձ փորձել դիմահարդարման ոլորտում, քանի որ նախնական ձիրք ունեի: Մասնակցեցի դիմահարդարման դասընթացների, որն ավարտելուց հետո սպասում էի ֆինանսական միջոցների աշխատանքս սկսելու համար:
Գլոբբինգ ընկերության արցախցիների աջակցության նախագծի նվիրառու ճանաչվելը հնարավորություն տվեց ստանալ դրամաշնորհ և գնել դիմահարդարման անհրաժեշտ պարագաներ:
Արդեն ունեմ հաճախորդներ, որոնք հերթական անգամ են դիմում: Հաճախորդին ցուցաբերում եմ անհատական մոտեցում: Կարծում եմ, որ կհաջողեմ և շուտով կդառնամ պահանջված դիմահարդար:

Հեռ․ +37498159557
Տեսնել աշխատանքները

Ես Իվանն եմ՝ Արցախից: Այժմ ընտանիքով հաստատվել եմ Երևանում: Անմիջապես անցել եմ ընտանիքիս ֆինանսական միջոցները հոգալու գործին: Քանի որ սեփական գործիքներ չունեի, ոչ բոլոր դեպքերում էի աշխատանքի առաջարկ ստանում: Գլոբբինգ ընկերության արցախցիների աջակցության նախագծի նվիրառու դարձա և տրամադրված դրամաշնորհով գնեցի անհրաժեշտ գործիքներ և տեխնիկա:
Այժմ ես բոլոր առաջարկներին կարողանում եմ արձագանքել իմ գործիքներով և անհրաժեշտության դեպքում աշխատանքային փոքր բրիգադով: Իմ ծառայությունների արժեքը մատչելի է և ամենակարևորը․ ես միշտ հասանելի եմ: Իվանը կապի մեջ է:

Հեռ․ +37494171987

Ես Աշխենն եմ՝ Շուշիից։ Շուշին կորցնելուց հետո հաստատվել եմ Ստեփանակերտում, Արցախը կորցնելուց հետո ապրում և աշխատում եմ Գորիսում, որպեսզի հնարավորինս մոտ լինեմ Արցախին:

Առաջարկում եմ բնական հումքով պատրաստված շոկոլադներ, տորթեր և քաղցրավենիք ցանկացած առիթների համար։

Հեռ․ +37493464780
+37477271699
Տեսնել աշխատանքները

Ես Վահեն եմ։ 2020թ. ծանր վիրավորում եմ ստացել, որի հետևանքով 5 ամիս կոմայի մեջ եմ գտնվել։ Կոմայից դուրս գալուց հետո ապաքինվելու պրոցեսում «Զինվորի տուն» վերականգնողական կենտրոնում սկսել եմ սովորել 3D max մոդելավորման ծրագիրը: Այժմ ապրում եմ Երևանում: Հույս ունեմ, որ մոտ ապագայում կկարողանամ պատվերներ ընդունել:

Հեռ․ +37497270620

Աբրահամյան Սաթենիկն եմ՝ Արցախից: Բռնի տեղահանությունից հետո, ինչպես հազարավոր արցախյան ընտանիքներ, իմ բազմանդամ ընտանիքը ևս սկսեց որոնումները ապրուստի միջոց ստեղծելու ուղղությամբ: Գլոբբինգ ընկերության արցախցիների աջակցության նախագծի նվիրառու դառնալը լուծեց այդ հարցը: Տրամադրված դրամաշնորհով գնեցինք հրուշակագործության և ժենգյալով հացի պատրաստման անհրաժեշտ տեխնիկա և սկսեցինք մեր ընտանեկան բիզնեսը:

Ժենգյալով հացի պատրաստման համար ընտրում ենք 15 և ավելի տեսակի կանաչեղեն: Ունենք նաև հրուշակեղենի լայն ընտրանի: Սանիտարահիգիենիկ ստանդարտները մեր կողմից հետևողականորեն պահպանվում են: Մենք արդեն ունենք փոքրիկ վիճակագրություն, յուրաքանչյուր 1-ին գնորդ դառնում է մեր մշտական հաճախորդը: Բոլորին առաջարկում ենք մեր արտադրանքը, մեկ անգամ փորձեք և վստահ ենք, որ կդառնաք մեր հաճախորդը: Մեր արտադրանքը հայտնի է «Էլի կա՞» անունով, քանի որ համտեսողներն անպայման հարցնում են՝ էլի կա՞ ։ Ունենք առաքում Երևանում: Սիրով սպասում ենք բոլորին:

Հեռ․ +37497353629

Ես Սասունն եմ, Արցախում սովորել էի վարսահարդարի արհեստը։ Բռնագաղթից հետո Երևանում վերապատրաստվեցի, այժմ աշխատում եմ «Տոմա» գեղեցկության սրահում՝ Կիևյան 10 հասցեում:
Ունեմ մշտական հաճախորդներ, ձգտում եմ, որ հաճախորդներիս ցանկն ընդլայնվի: Ուրախ եմ նաև, որ Արցախի իմ հաճախորդները Երևանի տարբեր հատվածներից կրկին դիմում են ինձ:

Սիրում եմ իմ աշխատանքը, հարգում եմ հաճախորդներիս կարծիքը և ճաշակը, բայց չեմ շեղվում մասնագիտական պահանջներից։ Կարծում եմ, որ հենց այդ հանգամանքն է նպաստում յուրաքանչյուր օր հաճախորդներիս ցանկի ընդլայնվելուն: Հանգամանքների բերումով զրոյից եմ սկսել, դժվարությունները շատ են, բայց ես իմ հայրենակիցների շրջապատում եմ, և միասին բոլոր դժվարությունները հաղթահարելի են:

Հեռ․ +374551588
+37497760176
Տեսնել աշխատանքները

Ես Լաուրան եմ։ Բռնի տեղահանվել եմ Արցախից, այժմ ապրում եմ ՀՀ Շաքի գյուղում։ Շատ շնորհակալություն Գլոբբինգ ընկերությանը աջակցության համար։

Զբաղվում եմ մատնահարդարմամբ, այն ինձ հնարավորություն է տալիս և՛ աշխատել և՛ ստեղծագործել։

Հեռ․ +37477125157

Ես Միքայելն եմ, ավտոէլեկտրիկ։ 2023թ՝. Արցախում սեպտեմբերյան հայտնի իրադարձություններից հետո, հաստատվել եմ Երևանում: Գլոբբինգի դրամաշնորհով գնել եմ անհրաժեշտ սարքավորումներ, այժմ աշխատում եմ:

Առաջարկում ենք ավտոէլեկտրիկի ծառայություն, կատարում ենք դիագնոստիկա, տարբեր ստուգողական մեթոդներով հայտնաբերում մեքենայի անսարքության պատճառը, վերացնում այն կամ անհրաժեշտության դեպքում ուղղորդում համապատասխան մասնագետի մոտ։ Մեզ կարող եք դիմել հետևյալ ծառայությունների համար. մեքենայի դիագնոստիկա, ծխի միջոցով օդի ներհոսքի հայտնաբերում, էլեկտրական մասերի, տվիչների և գործարկման մեխանիզմների ստուգում, մեկնարկիչների և գեներատորների նորոգում, այլ էլեկտրական խնդիրների վերացում։

Հեռ․ +37499709801

Ես Նելլին եմ՝ Արցախից, վարսահարդար եմ։ Բռնի տեղահանվելուց հետո ապրում և աշխատում եմ Երևանում:

Սիրում եմ աշխատանքս, սիրում եմ մարդկանց ավելի գեղեցկացնել:

Հեռ․ +37497315093

Ես Սնեժանան եմ։ Արցախի Հանրապետության Ասկերանի շրջանից եմ։ Բռնի տեղահանվել եմ 2023թ. սեպտեմբերին։ Արցախում հիմնադրել էի երիտասարդական կազմակերպություն և մուլտհերոսների ստուդիա։ Երկու կազմակերպությունների շրջանակներում կազմակերպել եմ բազմաթիվ ժամանցային միջոցառումներ արցախցի փոքրիկների համար։

Մուլտհերոսների ստուդիայի մեր թիմը սիրում է աշխատել երեխաների հետ: Մշակում է ժամանցային ծրագրեր և խաղեր, որոնք երեխային և՛ զարգացնում են և՛ ուրախացնում։

Հեռ․ +37497298060
Տեսնել աշխատանքները

Ես Մարգարիտան եմ։ Արցախցի ուսուցիչ եմ։ Հոգեկան անդորրս փորձում եմ վերագտնել հոբբիիս մեջ: Հուսամ` այն իմ ընտանիքի համար եկամտի աղբյուր կդառնա։

Արտադրում եմ չրեր։ Դրանցով հյուրասիրում եմ իմ ամենաթանկ մարդկանց։ Դու ևս կարող ես գնել և հյուրասիրել։

Հեռ․ +37498882112
Տեսնել աշխատանքները

Ես Էլինան եմ։ Տեղահանվել եմ Արցախից, կորցրել եմ ամեն ինչ՝ Արցախս, իսկ չարաբաստիկ պայթյունի հետևանքով՝ նաև ամուսնուս։

Կատարում եմ հաճախորդի առաջարկած մատնահարդարումը, հաշվի եմ առնում նրա կարծիքը, նաև մասնագիտական ցուցումներ եմ տալիս:

Հեռ․ +37441835544
Nailup մատնահարդարման սրահ, հասցե՝ Կոմիտաս 19/3
LS գեղեցկության, սրահ՝ հասցե՝ Բաբայան 9,

Ես հրաշք տղայի մայրիկ եմ՝ Ստեփանակերտից: Հրուշակագործությունը իմ հոբբին է, Արցախում ունեցել եմ տնային թխվածքների փոքրիկ արտադրամաս: Երևանում Globbing-ը կանգնել է կողքիս ասելով. «Դու կարող ես»: Արդյունքում ունեմ իմ քաղցրիկներին, որոնց պատրաստում եմ ջերմ արցախյան հուշերով, ջերմացնելով նաև երևանյան իմ երեկոները:

Վստահ եմ, որ համտեսողներին (հաճախորդներին) կհետաքրքրի, թե ուր կտանի նրանց իմ երևակայությունը քաղցրեղենի աշխարհում:

Հեռ․ +37498940290
+37497300460

Ես Նուբարն եմ՝ Արցախից, վարսահարդար եմ, այժմ ապրում և աշխատում եմ Գեղարքունիքի մարզի Մեծ Մասրիկ գյուղում:

Հեռ․ +37497302521
+37477316329

Ես Դավիթն եմ, աշխատում եմ Երևանում։

Հեռ․ +37494481646

Ես Ռոքսաննան եմ, բռնի տեղահանվել եմ Արցախից: Այժմ աշխատում եմ Վանաձոր քաղաքում: Չնայած դժվարություններին շարունակում եմ զբաղվել սիրելի մասնագիտությամբ, որն իմ ընտանիքի միակ եկամտի աղբյուրն է։

Հեռ․ +37455820384
Ք. Վանաձոր, Շանել գեղեցկության սրահ, Աղայան 76

Ես Նիկոլայն եմ, աշխատում եմ Մասիսում և Երևանում։

Հեռ․ +37498653036

Ես Նարինեն եմ՝ Արցախից կրկնակի բռնի տեղահանված: Չնայած 2 անգամ կորցրել եմ ամեն ինչ,բայց չեմ ընկճվում ու շարունակում եմ գեղեցկացնել մարդկանց։ Աշխատում եմ Հրազդանում։

Հեռ․ +37493740287
+37499191842

Ես կարողանում եմ կատարել հաճախորդի այդքան սպասված և երազած հարդարումը։

Հեռ․ +37493122196

Ես Լարիսա Գրիգորյանն եմ՝ Արցախից, 26 տարեկան: Արցախից արտագաղթել ենք 2023թ. սեպտեմբերին` հաղթահարելով մեծ դժվարություններ: Ամուսնացած եմ, ունեմ 1 աղջիկ՝ 2տարեկան: Մասնագիտությամբ մանկաբարձուհի եմ, բայց իմ միակ աշխատանքն ու հոգեբանական փրկությունը ձեռագործությունն է՝ մասնավորապես տիկնիկագործությունը: Տիկնիկագործությամբ զբաղվում եմ 4 տարի, ինքնուս եմ: Իմ հաճախորդները և էջի հետևորդները խոստովանում են, որ իմ տիկնիկները և խաղալիքները ջերմ տրամադրություն են ստեղծում: Հիմնականում իրացվում են իմ
անվանական խաղալիքները: Դուք էլ կարող եք նվիրել և ջերմություն տարածել: Այժմ ապրում և աշխատում եմ Երևանում: Շնորհակալ եմ յուրաքանչյուրին, առանձնապես՝ Գլոբբինգին այս ծանր օրերին մեզ օգնության ձեռք մեկնելու համար:

Հեռ․ +37497153060
Տեսնել աշխատանքները

Երեք անգամ դարձել եմ փախստական, բայց չեմ կոտրվում:

Հեռ․ +37497236523

Ես Էռնա Մկրտչյանն եմ՝ Արցախից։ Ապրում էի Ստեփանակերտում, աշխատում էի Մանկապատանեկան ստեղծագործական կենտրոնում, 26 տարի աշխատել եմ որպես «Պատանի նկարիչ խմբակի» խմբակավար։ Արցախի Հանրապետության Նկարիչների միության անդամ եմ։ Իմ հիմնական աշխատանքից բացի իրականացնում էի անհատական պարապմունքներ (գծանկար, գունանկար և կոմպոզիցիա առարկաներից) ԱՀ և ՀՀ ԲՈՒՀ-երի դիմորդների համար։
Որպես զբաղմունք և կողմնակի եկամտի աղբյուր՝ զբաղվում էի կիրառական արվեստով՝ ասեղնագործությամբ, տիկնիկագործությամբ, ձեռքի աշխատանքներով՝ նպատակ ունենալով պահպանել ու տարածել հայկականը։
Այդ աշխատանքները ներկայացնում էի ԱՀ-ում տոնական օրերի ժամանակ կազմակերպված ցուցահանդես-տոնավաճառներում։

Երևանում վերսկսել եմ դիմորդների հետ պարապմունքները և շարունակում եմ զբաղվել կիրառական արվեստի արտադրանքով՝ երկու դեպքում էլ փորձելով իմ տեղը գտնել ՀՀ աշխատաշուկայում և բիզնես ոլորտում:

Հեռ․ +37455732975
Տեսնել աշխատանքները

«Լուսէ կրթական շոկոլադներ» բիզնեսի հիմնադիրը և իրականացնողը ես եմ՝ Նարինե Հակոբյանը։ Կրթական շոկոլադներ պատրաստելու գաղափարը առաջացել է փոքրիկ աղջկաս շնորհիվ։ Նա շատ էր սիրում կոնֆետներ, իսկ խանութից գնած կոնֆետները պարունակում են չափից շատ քիմիական հավելումներ և վնասակար նյութեր:
Մի օր որոշեցի գնել շոկոլադի հումք և ինքս պատրաստել, որը շատ հավանեցին ընտանիքիս անդամները։ Դրանից հետո ծնվեց նոր գաղափար, մտածեցի, որ կարելի է շոկոլադները կապել ինչ-որ բան սովորելու հետ և համադրեցի կրթական բաղադրիչը:

Այդպես ստեղծվեցին Լուսէ կրթական շոկոլադները։ Կրթական շոկոլադների գաղափարով մասնակցել եմ Արցախում իրականացված «Խթան» ինկուբատոր ծրագրին, որն արժանացել է դրամաշնորհի և կյանքի կոչվել:
«Լուսէ կրթական շոկոլադները» արտադրում է խաղ-շոկոլադներ և կրթական սալիկներ։ Ձեռագործ շոկոլադները պատրաստվում են առանց քիմիական հավելումների, բնական չրերով և ընդեղենով: Խաղ-շոկոլադները երեխաների մոտ զարգացնում են ուշադրությունը կենտրոնացնելու և բաշխելու կարողությունը, առարկայական և տրամաբանական մտածողությունը, առարկաները խմբավորելու կարողությունը, հարստացնում են երեխայի բառապաշարը, հիշողությունը, նպաստում նրա խոսքի զարգացմանը և այլն։

«Լուսէ կրթական շոկոլադներ», երբ համեղը, անվտանգն ու կրթողը մեկտեղ են, ի դեպ, ոչ միայն փոքրիկները, այլ նաև մեծիկներն էլ հաճույքով են ճաշակում:
Շնորհակալ եմ Գլոբբինգին լրացուցիչ աջակցության համար։

Տեսնել աշխատանքները

Ես Անին եմ՝ Արցախի Մարտակերտ քաղաքից: Մասնագիտությամբ մատնահարդար եմ: Այժմ ապրում և աշխատում եմ ՀՀ Գեղարքունիքի մարզի Ճամբարակ քաղաքում:

Հեռ․ +37498696574

Ես Դիանա Մամունցն եմ: Փոքր էի, երբ տեսնելով, թե ինչպես են մայրիկիս ձեռքերի մեջ թելը կամ կտորը կյանք ստանում ու հրաշքի վերածվում, հասկացա, որ ձեռագործ աշխատանքները հրաշք են։ Դրանք հետադարձ էներգիայով են լցնում մեզ։ Ձեռագործ աշխատանքն իմ հոբբին էր, իսկ պատրաստած աշխատանքները նվիրում էի։ Պատերազմից հետո որոշել եմ այն վերածել բիզնեսի և գործերս դնել վաճառքի, քանի որ պետք է շարունակել ապրել ու արարել: Այդպես ստեղծվեց mamunts_art բրենդը: Կարում եմ սփռոցներ, սրբիչներ, էկոպայուսակներ և հատուկ կայուն ներկերով ձեռքով նկարում դրանց վրա:

Հեռ․ +37477243149
Տեսնել աշխատանքները

Ես Ծովինար Գրիգորյանն եմ՝ Ստեփանակերտից: Laura'sArtsakh բրենդը ստեղծվել է ինձ համար շատ ծանր ժամանակաշրջանում, որի միջոցով փորձում էի արթուն պահել վաղամեռիկ հայրիկիս գործը: Հայրիկս դերձակ էր, իր մկրատը ժառանգել էր մայրիկիս տատիկից` Մեծ Մամայից: Մեծ Մաման Արցախում հայտնի "խլեղ" (արցախի տարեց կնոջ շոր) կարող էր, նրան պատվերներ էին տալիս Արցախի բոլոր գյուղերից: Հայտնի մկրատն այժմ անցել է ինձ, և ինչպես մայրիկիս տատիկը 20-րդ դարի սկզբին գաղթելու ժամանակ իր հայրենի բնակավայրից իր հետ վերցրել էր իր մկրատը որպես ապրուստի միջոց, ես էլ Արցախից բռնի տեղահանվելու ժամանակ ինձ հետ վերցրել եմ այն որպես հիշատակ և նոր գործերի ստեղծման խթանիչ։ Այս գործն ինձ համար դարձել է ոչ միայն հոգեհարազատ, սիրելի, ոգեշնչող զբաղմունք, այլ նաև ֆինանսական կայունության աղբյուր։
Ստանալով պատվիրատուներիս շնորհակալ արձագանքները ավելի եմ ոգեշնչվում ու փորձում ստեղծել առավել գեղեցիկ, որակյալ ու անհրաժեշտ արտադրանք։ Պատրաստում եմ մանկական անկողնային պարագաներ, դեկորատիվ ասեղնագործ բարձեր, սփռոցներ, անձեռոցիկներ, լոգոներ և զարդանախշ ասեղնագործություն: Պատվիրատուն կարող է իր նախընտրած ասեղնագործական զարդանախշը ներկայացնել նաև հեռավար: Ապրում և աշխատում եմ Երևանում:


Հեռ․ +37497503305
Տեսնել աշխատանքները

Ես Մոնթե Մանասյանն եմ՝ Արցախից: Արցախում զբաղվում էի քիմմաքրման աշխատանքերով: ՀՀ-ում հաստատվելուց և Գլոբբինգի նվիրառու դառնալուց հետո կրկին ձեռք բերեցի անհրաժեշտ սարքավորումներ:

Կատարում եմ բարձրորակ նյութերով քիմմաքրում: Աշխատում եմ ՀՀ Արմավիր քաղաքում:

Հեռ․ +37497344177
Հեռ․ +37477344178

Ես Նվարդ Դավթյանն եմ: Զբաղվում եմ հրուշակագործությամբ, տոնական թեմաներով տորթեր եմ պատրաստում:

Հեռ․ +37477528182

Ես Մարիամն եմ, 2020 թվականի պատերազմից հետո տեղափոխվել էինք Գեղարքունիքի մարզ, քաղաք Մարտունի, որտեղ պետության կողմից մատնահարդարի արհեստ սովորելու հնարավորություն էի ստացել: 2022 թ. Արցախ վերադառնալուց հետո աշխատել եմ տանը։ 2023թ. սեպտեմբերյան պատերազմի ու բռնի տեղահանության ժամանակ չեմ կարողացել վերցնել աշխատանքի գործիքներս:

Գլոբբինգի դրամաշնորհով գնել եմ անհրաժեշտ սարքավորումները, այժմ ապրում և աշխատում եմ Գեղարքունիքի մարզի Վաղաշեն գյուղում:

Հեռ․ +37493211804

Նպատակ ունեի սովորելուս հետ մեկտեղ նաև աշխատել: Քանի որ ազատ գրաֆիկով աշխատանք եմ նախընտրում, ընտրեցի դիմահարդարումը, որը նաև իմ նախասիրությունն է։

Հեռ․ +37497770084

Ես Գայանեն եմ՝ Արցախից: Շրջափակման պայմանների թելադրանքով սկսեցի կտորից պայուսակներ կարել և դա մեծ օգնություն էր իմ շրջապատի մարդկանց։ Հաստատվելով Երևանում դիմեցի Գլոբբինգի ծրագրին և ստանալով ֆինանսական աջակցություն ձեռք բերեցի կարի մեքենա և անհրաժեշտ պարագաներ:

Այժմ զբաղվում եմ զգեստների ձևափոխմամբ և պայուսակներ կարելով,ինչն այս փուլում ընտանիքիս համար մեծ աջակցություն է:

Հեռ․ +37497213806

Ես Քրիստինե Ծատրյանն եմ՝ Շուշիից: Կոսմետոլոգիայի ոլորտում աշխատում եմ 2020 թվականից, երբ պատերազմի պատճառով կորցրեցի Շուշին, ինպես նաև իմ հիմնական աշխատանքը։ 2023 թ. սեպտեմբերին կրկին ստիպված եմ եղել Երևանում ամեն ինչ սկսել զրոյից։ Գլոբբինգի կողմից տրամադրված դրամաշնորհով գնել եմ բացակայող սարքավորումները:

Իմ կողմից մատուցվող հիմնական կոսմետոլոգիական ծառայությունները հետևյալն են. էլոս, կրիո, դեմքի մաքրում, պիլինգներ, պապիլոմաների հեռացում, ֆրակցիոն մեզոթերապիա, ականջի դակում:

Հեռ․ +37455757449
Տեսնել աշխատանքները

Մհեր Պողոսյանն եմ՝ Արցախից: Ստեփանակերտում զբաղվել եմ ավտոտեխսպասարկմամբ: Գլոբբինգի տրամադրած դրամաշնորհով գնել եմ անհրաժեշտ սարքավորումները և վերսկսել իմ աշխատանքը Երևանում:

Հեռ․ +37498440443

Ես Էլինան եմ՝ Շուշիից։ Ամուսնացած եմ, ունեմ 2 բալիկ։Հելյունագործությամբ սկսել եմ զբաղվել 2020թ. պատերազմից հետո։ Գործում եմ պայուսակներ, դրամապանակներ, դեկորատիվ զամբյուղներ, մանկական ծածկոցներ, մազակալներ, ծաղկեփնջեր։ Վաճառքն իրականացնում եմ օնլայն հարթակում, մասնակցում եմ տարբեր ցուցահանդես-վաճառքների։ Պատվերներ եմ ընդունում նաև արտերկրից։

Հեռ․ +37497120971
Տեսնել աշխատանքները

Ես Գայանե Գասպարյանն եմ՝ Արցախից: 4 երեխաների մայր եմ: Արցախում ծրագրավորման դասընթացների էի մասնակցում: 2023 թ. պատերազմի և բռնի տեղահանության հետևանքով Արցախում էր մնացել նաև համակարգիչս: Գլոբբինգի դրամաշնորհով ձեռք բերեցի համակարգիչ, ինչը հնարավորություն տվեց շարունակելու ուսումս և շուտով դառնալու ծրագրավորող: Շնորհակալ եմ այս դժվարին օրերին ինձ աջակցելու համար:

Հեռ․ +37497161168
Հեռ․ +37494336744

Ալյոնա Հարությունյանն եմ՝ Արցախից: Մատնահարդար եմ: 3 անչափահաս բալիկների մայր եմ, ամուսինս զոհվել է 2020թ. 44-օրյա պատերազմում:
Այժմ ապրում և աշխատում եմ Երևանում` տան պայմաններում:

Հեռ․ +37497270026

Ես Անահիտ Աղաթելյանն եմ՝ Արցախի Հադրութի շրջանի Թաղոտ գյուղից: Աշխատել եմ գյուղի դպրոցում` որպես հայոց լեզվի և գրականության ուսուցչուհի 2010-2020 թթ.։ 2020թ. հետո ՀՀ-ից վերադարձել եմ Արցախ և աշխատել խմորեղենի արտադրամասում սկզբնապես որպես օգնական, ապա՝ հրուշակագործ: Գլոբբինգի նախագծի նվիրառու դառնալով` ձեռք բերեցի անհրաժեշտ պարագաներ և այժմ հրուշակագործությամբ եմ զբաղվում Երևանում:

Հեռ․ +37497139491
Հեռ․ +37493380150

Ես Ալիսա Սարգսյանն եմ՝ Արցախից: Զբաղվել եմ հելյունագործությամբ և շյուղագործությամբ: Դրամաշնորհը հնարավորություն տվեց շարունակել գործունեությունս ՀՀ-ում: Պատրաստում եմ պայուսակներ, թիկնոցներ, շարֆեր, օղագոտիներ,մազակալներ, տոնական թեմաներով առարկաներ:
ՀՀ, Կոտայքի մարզ, ք. Եղվարդ

Հեռ․ +37497318987
ՀՀ, Կոտայքի մարզ, ք. Եղվարդ

Ես Տաթև Բաբայանն եմ` Արցախից։ Մատնահարդարմամբ զբաղվում եմ արդեն 4 տարի։ Շնորհակալ եմ Գլոբբինգին աջակցության համար, քանի որ նորից կարող եմ զբաղվել իմ սիրելի գործով։

Հեռ․ +37477910156

Ես Ռիտան եմ՝ Արցախից: Գլոբբինգի դրամաշնորհը հնարավորություն տվեց գնել հրուշակագործական սարքավորումներ և կրկին զբաղվել հրուշակագործությամբ: Թխում եմ գաթա, փախլավա, բուլկեղեն և այլ թխվածքներ:


Հեռ․ +37497564067

Ես Տաթև Ղուլյանն եմ` Արցախից: Մասնագիտությամբ մանկավարժ֊հոգեբան եմ, բայց 2020թ.սովորեցի մատնահարդարում և Արցախ վերադառնալուն պես սկսեցի աշխատել գեղեցկության սրահում։ Գլոբբինգի կողմից ստացել եմ դրամաշնորհ, ինչը հնարավորություն է տվել վերսկսելու իմ կիսատ թողած գործը:


Հեռ․ +37497265668

Ես Լուսինե Գրիգորյանն եմ: Բռնի տեղահանվել եմ Արցախից` 2023 թ. սեպտեմբերի 28-ին։ Ամուսնացած եմ, ունեմ 5 անչափահաս բալիկ։ Արցախում աշխատում էի ՍԶՄ նախարարությունում՝ որպես սոցիալական աշխատող: Դրան զուգահեռ աշխատում էի իմ սեփական հրուշակեղենի արտադրամասում: Շնորհիվ Գլոբբինգ ընկերության դրամաշնորհի Երևանում վերսկսել եմ իմ սիրելի աշխատանքը: Նպատակ ունեմ ընդլայնելու արտադրության ծավալները և աշխատողների կազմը: Պատրաստում եմ հրուշակեղենի ցանկացած տեսականի, ինչպես նաև ժենգյալով հաց։


Հեռ․ +37494930087

Ես Աշոտն եմ` Արցախից: Շնորհակալ եմ Գլոբբինգին վարսահարդարման պարագաների ձեռք բերման համար: Ձեր կատարած մեծ գործի շնորհիվ փորձելու եմ առաջ նայել և վերականգնվել։

Հեռ․ +37497350228
«Էրատո» գեղեցկության սրահ, Էջմիածին

Ես Մարինա Ավանեսյանն եմ՝ Ստեփանակերտից: 2022 թ. նոյեմբերին իմ ամբողջ գումարը ներդնելով գործի մեջ Ստեփանակերտում բացել էի սեփական սրահը: Բացումից երկու շաբաթ անց սկսվել է շրջափակումը: Չնայած դժվարին ժամանակաշրջանին, այնուամենայնիվ, կարողացա ձեռք բերել հավատարիմ հաճախորդներ։ Չհասցնելով լիակատար վայելել իմ աշխատանքի արդյունքը՝ 2023 թ. սեպտեմբերին սկսվեց չարաբաստիկ պատերազմը, որին հետևեց բռնի տեղահանությունը։ Իմ ամբողջ ներդրումը հավասարվեց զրոյի, քանի որ աշխատասենյակիս գույքի 10%-ն եմ կարողացել տեղափոխել: Խորին երախտագիտությունս եմ հայտնում Գլոբբինգ ընկերությանը, որի շնորհիվ կարողացա կրկին վերսկսել աշխատանքս:


Հեռ․ +37497251732

Ես Գայանե Սարգսյանն եմ՝ Շուշիից: Տարիներ շարունակ հրուշակագործությամբ եմ զբաղվել՝ աշխատելով տնից, ձեռք բերելով հավատարիմ հաճախորդներ, ովքեր շատ սիրել են մեր արտադրանքը: Պատվերներն այնքան էին շատացել,որ 2016 թ. որոշում ենք կայացրել Շուշիում բացել հրուշակեղենի խոհանոց-արհեստանոց:
«Միլֆեյ կոնդիտերսկին» սկսել է աշխատել փորձարկելով ոլորտի նորությունները, համալրվելով նոր պրոֆեսիոնալ տեխնիկայով:
Մենք հստակ քայլերով գնում էինք առաջ. 2020 թ. դեկտեմբերին պետք է բացվեր հրուշակեղենի խոհանոց-արհեստանոցին կից սրճարանը: Մեր սիրելի, հարազատ բերդաքաղաքում՝ Շուշիում, ցանկանում էինք առաջարկել նոր ֆորմատ, նոր միջավայր, որտեղ ամենօրյա թարմ, համեղ խմորեղենի ու տաք թեյի շուրջ կհավաքվեին ընկերներ և հարազատ մարդիկ: Մեծ երազանք ունեինք՝ շուշեցիների համար դառնալ ժամանցի սիրելի վայր:
Ցավոք 2020-ը այլ պլաններ ուներ:
44-օրյա չարաբաստիկ պատերազմը հազարավոր երիտասարդ կյանքեր խլեց: Կորցրեցինք նաև մեր հարազատ բնակավայրերը, որոնց հետ կապված շատ պայծառ ապագա էինք պատկերացնում. շենացնել, զարգացնել, ապրեցնել:
Քանի որ ինչպես բոլոր շուշեցիները, քաղաքում թողել ենք ամեն ինչ, ուստի երկար մտածելուց, հավատարիմ հաճախորդների անդադար զանգերն ու նամակները ստանալուց հետո, որոշում ենք կայացրել կրկին զրոյից սկսել: Ստեփանակերտի մեր վարձակալած տնից սկսել ենք աշխատել՝ ձեռք բերելով անհրաժեշտ տեխնիկա, պարագաներ, արտադրելով սահմանափակ տեսականի: 2023թ. Արցախի լիակատար հայաթափման հետևանքով հայտնվել ենք ՀՀ-ում կրկնակի բռնագաղթածի կարգավիճակում: Գլոբբինգի դրամաշնորհով գնված հրուշակագործական սարքավորումներով և պարագաներով կրկին սկսել ենք աշխատել, պատրաստում ենք գրեթե բոլոր տեսակների խմորեղեն, տոնական տորթեր, ելակ՝ շոկոլադի մեջ, ֆրանսիական մակարուններ, մադլեն թխվածքաբլիթներ և այլն:
Աշխատում ենք Երևանում՝ Արաբկիր վարչական շրջանում:


Հեռ․ +37497237575
Տեսնել աշխատանքները

Ես Կարինե Մարտիրոսյանն եմ։ Ծնվել եմ 1984 թ. Ադրբեջանի Իսմայիլիի շրջանի Ուշտալ գյուղում։ 1988թ. ընտանիքով բռնի տեղահանվել ենք ծննդավայրից և հաստատվել Արցախում, որտեղ ավարտել եմ դպրոցը և ստացել մանկավարժական բարձրագույն կրթություն։ Ունեմ 17 տարվա մանկավարժական ստաժ։ Միայնակ մայր եմ, ունեմ մեկ դուստր։ 2023թ. սեպտեմբերին պատերազմի և Արցախից բռնի տեղահանության հետևանքով հաստատվել ենք ՀՀ-ում։
Գլոբբինգի դրմաշնորհով ձեռք բերելով անհրաժեշտ սարքավորումներ, այժմ զբաղվում եմ մատնահարդարի աշխատանքով, որն եկամտի միակ աղբյուրն է ընտանիքիս համար։

Հեռ․ +37497250109
Տեսնել աշխատանքները

Ես Վարանուշ Բագիյանցն եմ՝ Արցախից: Մասնագիտությամբ մանկավարժ եմ: Որպես երկրորդ մասնագիտություն ընտրել եմ մատնահարդարումը և ոտնահարդարումը։ Սիրում եմ իմ աշխատանքը և գոհ եմ այն ժամանակ, երբ հաճախորդը գոհ է։ Շնորհակալ եմ Գլոբբինգ ընկերությանը արցախցիների կողքին կանգնելու համար։

Հեռ․ +37498118753

Ես Արևիկ Հակոբյանն եմ՝ Արցախից։ Ամուսինս մահացել է 2023 թ. սեպտեմբերին Արցախում տեղի ունեցած չարաբաստիկ պայթյունի հետևանքով: Ունեմ 2 բալիկ, որդիս ծնվել է հոր մահից քառասուն օր անց:

Տարիներ շարունակ Գլոբբինգը եղել և շարունակում է մնալ առցանց գնումների իմ վստահելի գործընկերը։ Իսկ այս ծանր փուլում Գլոբբինգը, հավատարիմ մնալով կորպորատիվ սոցիալական պատասխանատվության քաղաքականության իր հռչակած սկզբունքներին, ի թիվս արցախցի իմ հարյուրավոր հայրենակիցների «Միասին» նախագծի շրջանակներում ձեռք մեկնեց նաև ինձ: Այժմ ես ուսումնառություն ու անհրաժեշտ հմտություններ եմ ստանում Հայաստանում ծաղկարվեստի ուսուցման լավագույն կենտրոններից մեկում և նախագծի նվիրառու դառնալով ձեռք եմ բերել անհրաժեշտ գործիքներ

Ես իմ առաջին, բայց հաստատուն քայլերն եմ անում ծաղկարվեստի ոլորտում։ Անչափ սիրում եմ համադրել տարբեր ծաղկատեսակներն ու գույները։ Իմ աշխատանքներում ներդնում եմ իմ ամբողջ սերն ու ջերմությունը։

Հեռ․ +37497320003

Ես Լիլյա Գրիգորյանն եմ, Ստեփանակերտից։ Մասնագիտությամբ UI/UX և գրաֆիկ դիզայներ եմ։ 2020 թվականի պատերազմից հետո տեղափոխվել եմ Երևան։ Երևանում սկսել եմ մասնակցել տարբեր հետաքրքիր դասընթացների, որոնցից մեկի ժամանակ որոշել եմ իմ հոբբիներից մեկը դարձնել բիզնես։

Այդպես ստեղծել եմ "ԻՐԻՔՆԱԿ" բրենդը։ Արցախի բարբառով "իրիքնակ" նշանակում է արև։

Ձեռագործության նկատմամբ սերը փոխանցվել է իմ մայրիկից։ Հիմնականում պատրաստում եմ մակրամե տեխնիկայով տան դեկորատիվ իրեր և կրելու աքսեսուարներ։

Մակրամեն ինձ համար հոգու խաղաղություն է, երջանկություն։ Յուրաքանչյուր հանգույցի մեջ ներդնում եմ իմ երկրի իրիքնակի շողերը։

Հեռ․ +37494765376